Парафіальная пілігрымка да Маці Божай Будслаўскай

  17 верасня ў нашай парафіі адбылася чарговая пілігрымка ў рамах Года Міласэрнасці, да нацыянальнага санктуарыя ў Будславе (Мінска-Магілёўская архідыяцезія). У вёсцы Будслаў, што ў Маладзечанскім раёне, знаходзіцца самы вядомы санктуарый ў Беларусі. У гэтай святыні знаходзіцца цудадзейны абраз Маці Божай Будслаўскай, якая з’яўляецца апякункай нашай краіны.
Вёска Будслаў у архіўных запісах згадваецца ў 1504 годам, калі Вялікі Князь Літоўскі Аляксандр Ягелон падарыў кляштару бэрнардынаў 600 моргаў лесу каля ракі Сэрвач. Спачатку тут пасяліўся адзін з братоў, а затым да яго далучыліся іншыя бэрнардыны, якія ў 1530 г. пабудавалі ў гэтым месцы невялікую капліцу.

Больш падрабязна

Літургія слова

 Падрыхтаваў кл. Алег Хмылко паводле “Святая Імша. 100 пытанняў і адказаў, Лукаш Кубяк, Мінск 2012”
  Літургія слова паходзіць ад юдэйскіх сінагагальных абрадаў. Акрамя здзяйснення культу ў святыні, юдэі сустракаліся ў сінагогах, каб чытаць Закон і Прарокаў, а таксама прасіць Божай ласкі для ўсяго народу. Закон (Тора — пяць першых кніг Старога Запавету) чытаўся пастаянна. У кожны шабат чытаўся чарговы фрагмент тэксту, а чытанні з кніг прарокаў выбіраліся адвольна, так, каб яны адпавядалі ўрыўку з Закона.

Больш падрабязна

Аднова парафіі

27 жніўня 2016 года ў нашай парафіі мы прымалі прадстаўнікоў  парафій, якія працуюць па праекце “Аднова парафіі”. Па гэтым метадзе ў нашай дыяцэзіі працуюць парафіі Святога Антонія Падуанскага і Езуса Міласэрнага з Пастаў, парафіі з Опсы, Далёкіх, Глыбокага і наша. На сустрэчы абмяняліся вопытам працы за апошні час, працавалі ў групах, разважаючы Божае слова, удзельнічалі ў канферэнцыях, прысвечаных разважанню Божага Слова і Божай Міласэрнасці. Сустрэча закончылася ўрачыстай Святой Імшой, якую цэлебравалі святары з названых парафій.

Фота

Новы навучальны год у Лынтупах 2016 г

  Новы навучальны год у Лынтупах пачаўся ў 9.00 гадзін з ўрачыстай Святой Імшы ў парафіяльным касцёле.
  Падчас казання кс.пробашч Павел Кнурэк нагадаў бацькам і настаўнікам наколькі важна духоўнае і інтэлектуальнае развіццё дзяцей. Падкрэсліў, якая гэта вялікая адказнасць перад Богам і якой каштоўнасцю з’яўляецца ўзаемная падтрымка, разуменне і супрацоўніцтва ў працы выхавання і навучання. Ён заклікаў дзяцей клапаціцца адзін пра другога, нагадваць і заахвочваць да ўдзелу ва ўроках катэхезы.
  Пасля Святой Імшы ўсе пайшлі ў школу, каб традыцыйным першым званком пачаць новы навучальны 2016/2017 год.

Фота

Адпачынак ў Польшы 2016

    З 8 па 19 жніўня 2016 г. моладзь нашай парафіі адпачывала ў мясцовасці Галавіцы, якая знаходзіцца 50 км ад Варшавы. Моладзь была запрошана Вярхоўнай Кантрольнай Палатай.

     Падчас знаходжання ў гатэлі, моладзь мела магчымасць паглыбіць сваю веру праз сумесную малітву і адпачыць у вельмі добрых умовах. Да паслуг маладых быў басейн, трэнажорная зала, ровары, тэнісны корт,пляцоўкі для гульні ў валейбол і баскетбол, а таксама більярд.

    Гэта быў выдатны час і ўнікальная магчымасць наведвання цікавых месцаў, каб даведацца пра традыцыі і звычаі іншых народаў і пабудаваць новыя сяброўскія адносіны.

    Благаславі Божа, ксяндза пробашча і ўсіх спонсараў за такі прыгожы адпачынак.

Фота