Прывітанне кс.пробашча Аляксандра

     25 чэрвеня падчас св.Імшы дэкан Пастаўскага дэканату ксёндз Павел Самсонаў прадставіў кс.Аляксандра Барана, новага пробашча нашай парафіі.
Ад імя ўсіх парафіян сямейная пара Вашкінэль прывітала новага пробашча сардэчнымі словамі і кветкамі.
Ксёндз пробашч Аляксандр мае 49 год, нарадзіўся ў Слабодцы, каля Браслава, скончыў архітэктурны, да святарства рыхтаваўся ў Чэнстахове ў Польшы.Апошнія 8 год быў пробашчам парафіі ў Новалукомлі.
     Кс. Аляксандр прысягнуў перад усімі вернікамібыць верным касцёлу
і клапаціцца аб нашым духоўным жыцці. Ён сказаў: "З гэтага моманту мы будзем разам маліцца, разам перажываць радасці і цяжкасці”. Даверыў сваё служэнне Марыі, Маці Божай Міласэрнасці, вобраз якой мы ўшаноўваем у нашым парафіяльным касцёле.
     Жадаем Вам плённага служэння ў нашай парафіі !

Фота

Развітанне кс. Паўла

 Служэнне святара – вялікая адказнасць!
 Супольна крочыць з Богам па жыцці
 І пасвіць Божы статак, часам цяжка,
 Але святар павінен з годнасцю ісці,
 Ісці наперад цяжкасцям, турботам,
 Ісці, калі пануе ў сэрцы неспакой,
Заўжды наперад крочыць разам з Богам,
Надзею запаліць у велічы святой.
І ажывіць надзеяй тыя сэрцы,
Што так шукаюць Бога кожны дзень,
Тады любоў бязмежная пральецца,
І кожны атрымае, што хацеў.

Поважаны ксëндз Павел!
Мы атрымалі тое, што хацелі. Вы ажывілі нашыя сэрцы і нам вельмі цяжка з Вамі развітвацца. Вы сталі частачкай нашага жыцця, частачкай нашай парафіяльнай гісторыі. Дзякуем Пану Богу, што даў нам такого Духоўнага настаўніка.
Ад усяго сэрца жадаем моцнага здароўя, душэўнага супакою, людской дабразычлівасці, аптымізму. А мы будзем атуляць Вас сваëю малітвай. Дзякуем Вам за працу ў нашай парафіі і просім за ўсë прабачэння.

Фота

Пілігрымкада Санктуарыя Маці Божай Фацімскай у Шуміліне

11 мая 2017 года дзяўчынкі з танцавальнага гуртка"Вясёлка", што дзейнічае пры нашым парафіяльным араторыі, разам з с.Люцынай паехалі ў Шуміліна, каб праслаўляць Бога ў 100-ю гадавіну аб'яўлення Маці Божай ў Фаціме і маліцца на ружанцы ў інтэнцыях, паказаных праз Марыю.
     Адправіліся на цягнікуўжо ў чацвер вечарам. Прыехалі ў Віцебск у пятніцу раніцай. Там карысталіся гасціннасцю сясцёр законных с.Антоніі і с.Мажэны. Пасля абеду прынялі ўдзел у канцэрце ў тамтэйшым доме састарэлых. Дзеці з парафіі св. Антонія з Віцебска разам з с.Maжэнай паказалі сцэнку, пантаміму пасхальную, а мы падаравалі нашы танцы. Вечарам прынялі ўдзел у святой Імшы і маёвых набажэнствах ў парафіі, дзе ў цяперашні час працуе с.Aнтонія.
    Раніцай 13 мая мы адправіліся ў Шуміліна.

Больш падрабязна

Містэрыя Пасхальная 2017 „ Езус заўсёды з намі”

   Апостальская супольнасць “Дабрыня” пад кіраўніцтвам с.Люцыны падрыхтавалі Містэрыю Пасхальную “Езус заўсёды з намі”. Прадстаўленне было паказана два разы, 17 і 22 красавіка ў школе і клубе ў Лынтупах.
    Аніматары паказалі сцэнкі з сучаснага жыцця, у якіх чалавек перажывае розныя складаныя досведы, такія як вайна, хвароба, алкагалізм у сям'і, смерць блізкіх і якія выклікаюць у ім глыбокія пытанні пра сэнс жыцця, пра прысутнасць Бога. Падчас прадстаўлення Езус праходзіў праз усе гэтыя складаныя сітуацыі несучы крыж.
Адна з дзяўчынак у час прадстаўлення разтлумачыла сваёй сяброўке, што Езус Хрыстус ніколі не пакідае нас адных у цяжкасцях, што:
   „Ён таксама пакутаваў. Ніхто так, як Ён, не зможа зразумець іншых.
Ён прайшоў праз усё, праз розныя пакуты, адрачэнне, нянавісць, боль расставання.
Ён памёр на крыжы за мяне і за цябе– з любові да нас. Як ты можаш казаць, што
Ён абыякавы???!!!! Дзеля мяне і дзеля цябе Уваскрос, каб даць нам сапраўднае ЖЫЦЦЁ, сапраўднае шчасце...”
    У канцэрце таксама спявала Дзіяна Літвіновіч, а дзяўчаты з танцавальнага гуртка парафіяльнага араторыўма паказалі свае танцы.

Фота

1 БІБЛІЙНЫ КОНКУРС 2017

22 лютага 2017г. у нашым парафіяльным араторыі адбыўся 1 Біблійны конкурс. У конкурсе прынялі ўдзел 35 дзяцей з Лынтуп і Палесся. Пытанні былі падрыхтаваны ў некалькіх узроставых катэгорыях. 6-11 клас – 20 удзельнікаў, 4-5 клас – 5 удзельнікаў, 1-3 клас – 10 удзельнікаў.

У старэйшай групе
   I месца
Віялета Васілеўская з Палесся i Саша Качкаева з Лынтуп
   II месца Данік Крыштафовіч
   III Света Конан з Лынтуп і Аляксей Гарбуль з Палесся

У сярэдняй групе
  I месца Альберт Цярэнцьеў з Шудаўцаў
  II месца Насця Гарбуль з Палесся

У малодшай групе
  I месца Насця Шпынёва
Усе дзеці атрымалі прызы за ўдзел у конкурсе, а пераможцы- падарункі
Сардэчна віншуем!!

Фота