Аплаткавая сустрэча y Лынтупax

  10 студзеня 2018 ў парафіяльным араторыі адбылася аплаткавая сустрэча.
У спатканні прынялі ўдзел дзеці, якія прыходзяць у араторый на заняткі, міністранты, дзяўчынкі, якія спяваюць у парафіяльным хоры і валанцёры. Усіх разам было 60 чалавек.
     Сустрэча пачалася з кароткай катэхезы, падчас якой с.Люцына нагадала значэнне ўрачыстасці і сэнс дзялення аплаткай. Варта звярнуць увагу, што араторый - гэта месца сустрэч для ўсіх дзяцей, якія пражываюць у Лынтупах і Палессе, а гэта не толькі дзяці з сем'яў каталікоў, але таксама праваслаўныя і стараверы.
     Такое спатканне дало магчымасць усім разам узнясці хвалу Богу ў Таямніцы Божага Нараджэння, а таксама пазнаць каталіцкія традыцыі і звычаі перажываных Свят.
     Сустрэча разпачалася з чытання фрагмента Святога Пісання аб Божым Нараджэнні і малітвы. Потым дзеці дзяліліся аплаткай, складаючы адзін аднаму пажаданні.
    Прысутнасць валанцёраў, дзяжурных стала выключнай магчымасцю для выражэння дзецьмі шчырых пажаданняў і слоў падзякі за іх самаадданую працу ў араторыі. За іх сэрца і клопат, якія аддаюць для самых маленькіх, ахвяруючы свой вольны час.
    Было шмат спеваў, калядак і пачастункаў. Добра было разам, у супольнасці калег і сябровак, сесці за багата накрыты стол, каб паразмаўляць і парадавацца прысутнасці іншых.

Любоў перамагае зло

   7 студзеня, пасля св.Імшы ў 11 гадзін, у нашым касцёле дзеці з супольнасці “Дабрыня” разам з тэатральным колам, якое дзейнічае пры парафіяльным араторыўме, пад кіраўніцтвам с.Люцыны паказалі сцэнку „Любоў перамагае зло”.
      Дзеці, іграючы ў сваіх ролях сучасныя і біблейныя сцэны, вялі гледача да адкрыцця сутнасці перажываных у мінулым часе Свят Божага Нараджэння.
Ісціну гэтага выказаў у канцы прадстаўлення Дзіма Домжа, які іграў ролю журналіста: „Дзякую табе, Божы пасланнік. Цяпер мне зразумела, што ёсць любоў на свеце. Што яна самая важная. Што толькі любоўю можна перамагчы зло”.

      Дзякуем маладым выканаўцам за іх падрыхтоўку і чакаем наступнага выступлення :)

Cвята Божага Нараджэння 2017

  30.12.2017 Аніматары супольнасці "Дабрыня" наведалі пажылых людзей, якія жывуць у доме састарэлых у Лынтупах, з нагоды свята Божага Нараджэння. Дзеці падрыхтавалі сценкe „Любоў перамагае зло”, падарылі цукеркі
і cпявалі калядкі.
      Спатканне прайшло ў радаснай атмасферы.

Дэканальная сустрэча моладзі

11 лістапада 2017 года ў нашай парафіі адбылася дэканальная сустрэча моладзі. Галоўнай тэмай гэтага спаткання было: "Трэба, каб маладосць была ўзрастаннем".

У сустрэчы прынялі ўдзел 60 маладых дзяўчат і хлопцаў з чатырох парафій нашага дэканату: з парафіі Св. Юды Тадэвуша з Лучаю, з парафіі Езуса Міласэрнага і парафіі Св. Антонія з Пастаў, з парафіі Св. Арханёла Міхаіла з Варапаева і нашай парафіі.

Больш падрабязна

ВЫНIКI КОНКУРСУ - РУЖАНЕЦ СВАІМІ РУКАМІ

I месца

Янкун Павел - 6 кл

Больш падрабязна